Author : Hauwa M. Jabo Category : Complete Novels
[9:26pm, 3/23/2016] ☄Zaharaddeen☄Shomar☄: NA MANTA KOMAI NA HAUWA
JABO
🍃NA MANTA KOMAI1&2🍃
©Hauwa M. Jabo
®OHW
*****************
.......Alhaji Rabo....Alhaji Rabo....!
Sunan da take ta k'ara nanatawa a cikin ranta
kenan, ta fa'di wannan Suna yafi a k'irga,
Mtswwwa..., sunan ko da'di babu.
Sai zagaye da'kinta take,ta kasa zaune ta kasa
tsaye...,
Ta K'ara le'ka Window(Taga) d'in dakinta dake
sama,ta hango mutane sai kai da kawowa suke
cikin harabar gidansu,daga cikin runfunan da
aka kafa kuwa na daurin aure har mutane sun
fara taruwa. lallai yau ake yinta,! "Yama za'ayi
dady yamin haka?,Ashe dama ba sona yake ba,
ni kuwa duk rayuwata babu wanda nake so
duniya Kamar dadyn na." Wasu k'walla masu
zafi Suka gangaro daga idonta. "Yanzu ya za'ayi
na sulale nabar gidan kafin a d'aura auren nan
ba tare da wani ya ganni ba?" Wannan tunanin
take yi a ranta,gashi aure kam ba fashi, har
mutane sun fara taruwa,lallai yau akwai
Masifa,Wasu qwalla masu zafi Suka gangaro
daga idonta. Tunanin ta da'ya yanda zata
sulale tabar gidan kafin a d'aura mata mugun
auren nan..!
***
Kayan haushi! Ba d'an aike ba wanda ta aika a
kira mata.!Gashi lokaci sai k'ara k'urewa yake.
A dai-dai lokacin taji an yi knocking k'ofar
d'akinta,tasan Yusuf ne ...dan haka kai tsaye
Tace "shigo"' gabanta na ta dakan uku-
uku.!! ,Saboda tunanin yaudarar da take shirin
yi mishi.! Duk da ba laifinta bane,Ba tare da ta
kalli inda yake ba cikin murya mai ban
tausayi.., tace;" Yusuf yanzu kana ji kana gani
zaka bari ayi min haka,Dama duk da kake cewa
kana sona tun yarintarmu ba da gaske kake
ba...." ta d'anyi shiru jin bai ce komai ba yasa
taci gaba da cewa; "to ni yanzu na yanke
shawarar kawai mu gudu dani dakai sai Muyi
aurenmu!! aurenka ya fiye mani auren wannan
Alhaji Rabo d'in.
Tayi taku biyu zuwa uku tana kallon window
tace; " Alhajin da ban taba ganinshi ba bare
har ayi zancen aure,wallahi ga ra kai ko banza
tare muka tashi,kuma nasan kana so na ko?"
Ta juyo ta kalleshi "kaga Daga baya mu dawo
bayan an daura aurenmu,babu mai iya rabani
da kai a lokacin...."
Ta baro window ta tako ta tsaya dai- dai
gabanshi a inda yake tsaye tsakar d'aki,ta k'ara
marairai cewa ta ri'ko hannayenshi "Yusuf ni
dama can ina sonka,kawai nasan Dady ba zai
yadda Muyi aure bane shiyasa kaga bani biye
ma harkarka wani lokaci, amma wallahi
inasonka, ko ka daina sona ne?" K'walla Suka
k'ara gangaro mata daga ido ta dora kanta a
kafa'darshi
Ta bashi tausayi,duk duniya babu Abunda yake
So da K'auna irin Suhailah a rayuwarshi,ya
d'ora hannunsa a bayanta yana dan
jijjigata,karo na farko da suka taba ha'da jiki,
duk da yaso yin hakan ba Sau daya ba amma
yasan bala'in da yake biyowa baya a duk
lokacin da yaso yin hakan saboda bata bashi
dama,Yanzun ma yayi hakanne dan ya San yayi
mata na bankwanane,dan Ance fad'an da baka
iyawa,to ka Mayar dashi wasa....
Shi kam babu yadda zayyi yaja da Alhaji
Rabo...., Don ma batasan hardashi a yan ya'kin
neman auren alhaji rabo ba.Ina xaija da rabo
wajen ya'kin auren Suhailarshi...ya D'ago ta
yayi mata murmushin k'arfin hali yace; "ya kike
So ayi yanzu?" duk da idonta yayi ja fuska ta
kumbura sai da ta yi d'an murmushi,ta sa
bayan hannayenta ta goge k'wallan dake zuba
a idonta,tace " "Guduwa xamuyi, Xansa hijabi
har qasa Zan kuma yi yadda zanyi in fita ba
tare da wani ya ganni ba,sai mu tafi Sokoto
gidan Anti Rukayyah kafin su koma tunda suna
nan bikina kaga sai Muje a daura mana aure a
wani masallaci. Yanzu ga wannan jakar da na
ha'da yan abubuwan da nake So ne,katafi da
ita zan samu a daidaita sahu da na fita gida sai
ya kaini can gaba da university, kai kuma sai ka
daukeni acan. Hakan yayi!?" Ka'da kai yayi
alamar Eh,ya karbi y'ar k'aramar jakar da ta
mi'ko mishi yayi murmushi ya mi'ka hannu ya
ri'kota yaso yayi mata na bankwana,tayi baya
da sauri ta watsa mashi harara,Kamar yadda
Suka saba a baya, ya fita yana fad'in to sai
mun ha'du.....
Www.jabohauwa.WordPress.Com
Www.hauwajabo.blogspot.Com
Fcbk group: Auntie M. Jabo Books
✨Zaharaddeen Shomar✨
whatsapp✨ 08168575100
[9:29pm, 3/23/2016] ☄Zaharaddeen☄Shomar☄: NAMANTA KOMAI 3&4
🍃NA MANTA KOMAI 3&4🍃
©Hauwa M. Jabo
®OHW
Yusuf yana tafe yana mamaki, wai yau
Suhailah ce har da rungume shi. Lallai ya
tabbata ba ta son wannan auren, shida tunda
yake sonta bata taba ba shi fuska ba, sai
sama-sama take kula shi, wai shine yau take
cewa suyi aure hadda su runguma. Abinda
yasan ba zai taba yiwuwa ba, koba komai ya ji
dad'in rungumar shi da ta d'an yi,amma yana
bak'in cikin rabuwa da ita,wanda dama yasan
ranar na zuwa amma baiyi zaton ta nan kusa
ba.
Yana fita, Suhailah tayi irin shigar da ta
sabayi,wando da riga, ta kawo hijabi data
d'auko cikin kayan Antinta Rukayyah, hijabin
yakai mata har k'asa zunbulele dashi, ta sa
cover shoes flat (rufaffun takalma), yadda ba
yadda za'ayi aji sautin tafiyarta, ta k'arasa
tattara 'yan abubuwan da dake buk'ata ta saka
a wata k'aramar jaka, ta jiyo wata yar uwarsu
tana "ina amaryar?" Tayi tsaki, "wai amarya,
zaku ga amarya ai," ta kashe wayarta ta jefa a
hand bag (jakar ratayawarta) dinta ta lallab'a
ta fice ta baya ba tare da kowa ya gantaba.
*********
Ta samu a daidaita ta shige. Sun wuce State
University (jami'ar Ummaru Musa) ta katsina da
nisa sosai, sannan tace ma dan adaidaita sahu
ya sauke ta.. Ya ce "wallahi hajiya dan kin
birgeni yasa na kawo ki har nan gurin, amma
yadda k'asarnan ta lalace wallahi da sai nace
ko ke yar yankan kai ce cikin wannan uban
hijabin haka, ke hajiya gaskiyar magana kawai
hajabin yafi kama da na mai dasa bomb!!...
Tayi murmushi, "wato masu hijabi sune yan
yankan kai ko da saka bomb?" Yace "sosai a
Nigeria ma su hijabi su ke saka bomb kuma
kema kin sani sai dai idan kink'i fada", tace
Hmmm! Suna hakane dan su nisantar da
zukatan ya'yan musulmi daga saka hijabi,
bayan hijabi shine sutura ta mutuncin duk wata
'ya mace, kuma hijabi umurnin Allah S.W.T ne,
shi ya umurcecmu da mu rik'a sakawa cikin Al
Qur'ani suratul Ahzab ayata 53 (hamsin da
uku)... Yananan baro-baro ayar hijabi,so
please ku daina tsoron masu hijabi",......
Yace "Allahu Akbar, kawai mu dai masu hijabi
idan sun daina saka bomb to zamu daina
tsoron su". Dariya ya ba ta sosai,dan shi kam
yana tsoron masu babban hijabi....
Ta duba taga babu gida gaba babu baya, sai
gaban ta ya fadi. "hajiya wai mi zakiyi anan ke
kadai?" Tayi murmushi tace "kar ka damu
wayanda za su daukeni yanzu nan za su zo",
dan ta lura yana shakkar ya barta a wajen..
Ta bashi kud'i d'ubu biyu, nan da nan ya
washe baki ya fara godiya ya na sa mata
albarka yaja kekenshi ya k'ara gaba.
A hak'ik'anin gaskiya Suhaila a tsorace take,
ga rana na dukanta, gashi babu ko 'yar
bishiyar da zata labe a kusa, motocin dake
wucewa ma duk sun daina wucewa, ga k'ishin
ruwa ya dame ta, a ranta ta ce " lallai Yusuf
ma ya raina mani wayau". Ta kalli agogon
hannunta, awarta biyu tana jiran shi a inda mai
a daidaita ya sauketa,ga yunwa ta fara
damunta, kenan awa biyu da rabi da d'aura
aureta da Alh. Rabo, ta k'lyalkyace da dariya,
ita sunan ma ya daina bata haushi, dariya yake
bata. "Wai Alhaji Rabox", yau zaka ga rashin
rabo kuwa, dan guduwa xanyi, ta murgud'a
baki ita kad'ai.
Ta kasa tsayuwa waje d'aya sai kai da komo
take. Ta sa k'afa ta harbe wani dutsi dake
gabanta ta kuma bi dutsen da kallo,d'aga
idonta keda wuya sai ta hango motarsa, tayi
ajiyar zuciya cikin ran ta tace "sai yanzu dan
wulak'anci amma za ta rama," ta je inda ta aje
kayanta a gefen titi ta d'auko hijabin data aje
da jakarta a dai-dai lokacin da motar ta tsaya,
bata ko kalle shi ba , ta jefa jakarta a bayan
motar,inda taga ya aje waccan jakar ta dazu
data bashi, ta bud'e gaba ta zauna,tayi kyacci
tace "haba Yusuf" sai kuma tayi shiru, Amma za
ka sani, zan rama da ni ka ke zancen, wai dan
wulak'anci sai yanzu ka ga damar zuwa ko?",
yace "Eahhhhh"......
Jin murya da ba tayi zato ba,muryar da tun da
ta ji ta ta kasa samun natsuwa, yasa ta juya da
k'arfi ta kalleshi, ta bala'in jin tsoro,ta zaro
Idanuwa! "Alhaji Rabo" tana tunanin kai
wannan mutumin dai ko aljani ne yake yi mata
wobuwa,ta juya inda ta aje jakarta,ta ga lallai
jakar tace, wadda taba Yusuf a wajen, so ina
ya samo ta? Da k'arfi ta bude k'ofar mota ta
zuba aguje,gudu take iya k'arfinta tana tunanin
Allah yasa mafarki take, gudu take kamar me,
kai ko mafarki ne ta wahala cikin wannan
mafarki, ya kamata ta farka hakanan, ta juya
taga inda tabar shi a motar ma bai motsa ba,
yana cikin mota abun shi zaune, ta juya taci
gaba da gudunta, kamar daga sama sai ta
hango shanu sunyo kanta, ta rasa yadda
zatayi,sai kawai ta duk'e nan inda taja
birki,.......
Haka suka yi ta wuceta har ta ji alamun sun
gama wucewa tayi ajiyar zuciya, ta mik'e tsaye,
tashinta keda wuya sai wani k'aton sa.. 🐄 yasa
k'ahonshi ya d'auketa ya wurgar da ita kan titi
ji kake timmm!
Subhanallah! Ta sa ihu,amma kamin ta kai
k'asa dan olo har ta some.
Ahmad yana hangota, ya k'araso da sauri inda
wannan k'aton san ya wurga da Suhailah ya
jijjigata amma yaga bata motsi, ya dauke ta
tsaf ya sakata mota, ganin ba bu wani ciwo
jikinta sai dan k'warzane a gwuiwar hannunta
na haggu yasa bai wani tad'a hankalinsa sosai
ba, ya tada mota yaci gaba da tafiyar shi ba
tare da ya tsaya ko ina ba, ya d'an tausaya
mata ganin k'wallan da suka gangaro daga
idonta...
Koda ya tsaya yasha mai a kaduna yaga ta ma
gyara kwanciyarta amma bata san abunda ake
ba, sai ya k'ara kwantar mata da kujerarta dan
taji dadin bacci, ya kula daga suma ta wuce
bacci ne. Daga nan bai tsaya ko inaba sai gidan
gonar shi dake Abuja chan hanyar keffi.......
www.hauwajabo.blogspot.com
www.jabohauwa.WordPress.Com
💥Zaharaddeen💥Shomar💥
Whatsapp💥08168575100
[9:37pm, 3/23/2016] ☄Zaharaddeen☄Shomar☄: Na manta komai 5-7
🍃NA MANTA KOMAI 5&6&7🍃
©Hauwa M. Jabo.
®OHW.
GIDAN SU SUHAILA.
Aunty Rukayyah ce ta shigo d'akin ta na ta
fad'a "Waike Suhailah mi yake damunki ne? Ace
tunda aka fara hidimar aurenki ba ruwanki da
komai, ba ruwanki da kowa! To malama ba
damu zakiyi fushiba da Dadyn ki za kiyi fushi,
shida kike ganin ya miki shishigi a rayuwa, ta
qara so cikin d'akin wai ma kina ina ne inata
magana kinyi banza dani.?" Turus tayi ganin ba
Suhailah ba labarin ta, ta ja guntun tsaki, ta
lek'a bayi nan ma ba ta nan, "Ina yarinyar nan
ta shiga ne!?" Ta fito tsakar gida tana tambayar
mutane ko akwai wanda yaganta!? amma kowa
yace rabonshi da ita tun jiya, wasu kuma suce
tun da asuba, nan da nan aka bazama neman
Amarya, amma bata ba labarin ta, aka kira
Dady akan ba Amarya fa kada a d'aura Aure,
Dady yayi murmushi, yace "Aure kam ba fashi
sai an d'aura."
Ahmad ne yazo ya sami Dady, yace su kwantar
da hankalin su yasan gunda take, bayan d'aura
Aure zaije ya d'auketa ya wuce da ita, kawai a
had'a mata kayan ta, sannan hankalin danginta
ya d'an kwanta, bayan d'aura Aure Ahmad
yaje ya d'auketa gunda tayi da Yusuf, tun
lokacin da ta bude k'ofa ta fara gudu ne ya
kira Su ya sheda masu cewa ya ganta kuma
Suna tare lafiya lau.
Sunji haushi, duk da cewa dama ba wanda zai
rakata Abujar amma sun so ko yar hud'uba ce
a mata harma yanda kan Suhaila yake rawa,
amma hakan bai samuba kuma ta kashe
wayarta.. Bayan ya d'auketa sai ya wucee da
ita Abuja...
***********
Yana isa yayi parking din motar ya fito abinshi
ya shige gidan gonarshi.
Amfi minti talatin da tsayawarshi, masu aiki
sun kwashe yan kayan Suhailah dake cikin
motar, amma ita Suhaila bata fitoba, a ranshi
yace "wai yarinyar nan mi take nufi ne??" ya
koma wajen motar ya sa k'afa ya d'an shureta,
amma maimakon ta tashi sai ta qara juyawa
tana murmushi, ta cigaba da baccinta.
kilan Suhaila taci gaba da mafarkinta ne....
Tsaki yayi aranshi yace "kyaji dashi yarinya kin
riga kin zama matata" komawar shi yayi cikin
gida, yaje yayi wankanshi da ruwa masu d'imi,
yaji jikinsa yad'an warware da gajiyar tuk'i
yasamu guri ya kwanta sai bacci.!!
Sai k'arfe biyu ya farka, ya tashi ya lek'a
d'akinta da ko ina amma bata ba labarin ta,
tsaki yaja wato har yanzu tana cikin motar
kenan, ya gane bata da niyar shigowa ciki, yaje
gun motar ya kuwa hangota tanata bacci
abinta, bai ma tsaya bata lokacinshi ba wajen
tada ta, kawai d'auko ta yayi ya kaita d'akinta
da yasa aka gyara mata cikin d'akunan dake
sama, ya ajiyeta, a ranshi yace " Hmmm.!!
mata akwai fi'ili ita kuma nata borin kunyar
haka take yinsa" .... Yayi d'an guntun tsaki
chikin ranshi ya kashe wutar d'akin ya wuce
abinshi...
Duk da kasan cewar gurin gidan gona ne, gidan
ya tsaru fiye da tunaninku masu karatu, "ni
kaina M. Jabo dana shiga gidan saida naji
kamar ace gidan J.S d'inane, habawa da zamu
soye a gurin ba kad'an ba dan zaiyi d'ad'in
soyewa.." Ahmad mutunne mai tsari, gaban shi
da bayan shi, yadda yake a tsare physically,
haka duk wata harka tashi take a tsare, haka
mazauninshi abinshi gwanin burgewa....
YANDA ABIN YAKE AKAN YUSUF...
Bayan fitowar Yusuf daga wajen Suhaila, bai
tsaya ko inaba sai wajen Ahmad, ya gaya mashi
duk yadda sukayi da ita, abunda bai gaya
mashiba kawai shine ya rungume ta, for the
first time (a karon farko)duk tsawon rayuwarsu,
sanin Ahmad ne da halinsa yasa ko giyar wake
ya zuk'a bazai furta ma Ahmad hakan ba..
Wannan sirrinshi ne har kabarinshi sai ku masu
karatu da ni Jabo yar gane-gane dana gano...
Ahmad yayi murmushi chikin ransa, yayi ma
Yusuf godiya ya dafa kafad'arshi ya wuce
abinshi, aranshi yake cewa "wannan yarinya
daban mamaki take," ya karbi makullen motar,
amma bai tafiba a lokacin sai da aka d'aura
Aure akayi reception, mutane suka fara
watsewa Sannan ya kama hanya, Yusuf har ya
fara jin Ahmad ya bashi haushi a lokacin... Ya
za'ayi ya ijiyeta awa sama da biyu, bayan ya
gaya mishi tana chan tana jira, tsaki yaja, "duk
nina janyo mata ai," duk da dai yasan bashida
yadda zayyi dashi tunda Kudin da Ahmad ya
bashi duk rayuwarshi ba wanda ya taba bashi
su, duk akan ya kula mashi da duk wani moves
din Suhailah .....!!!
****************
Washe gari da Suhailah ta tashi daga bacci, ta
tashi da matsanancin ciwon kai, kuma duk inda
ta juya jikinta ciwo yake mata, tana Wash!
Wash!! haka ta tashi dak'er ta zauna, ta kalli
nan ta kalli chan, bata gane ina take ba sam,
jeem tayi, ta dan girgiza kanta, amma bata
gane komai ba, ta ta shi ta rik'a tura k'ofofin
da suke d'akin har ta gane bandaki ta tura kai
ciki, nanma kalle kalle ta rik'ayi sai kuma ta
tsaya kunne kunne, a ranta tanajin kamar
akwai abinda akeyi a gurinnan Amma bata
gane ko miyeba, kuma tanajin kamar akwai
abinda ya dace tayi yanzunnan amma bata iya
tuna miye, lokacin taji cikin ta na k'ugi alamar
yunwa takeji kamar ta mutu, ta mik'e tsaye, ta
nufi k'ofa kenan zata bude idonta ya kai ga
mirror d'in d'akin,duk abunnan sai yanzu ta
kula da fuskarta a mirror, ta kalli kanta
sosai,nan take gabanta ya fad'i tsoro ya
kamata,ta tambayi kanta ta madubi, ko Wacece
wannan....." who are you..."abun mamaki abun
tsoro, ta kasa ba kanta amsa, ai kuwa sai ta sa
ihu, k'walla ne ke kwarara daga idanuwanta
sabida kukan da take baji ba gani.......
Can cikin bacci Ahmad yaji ihunta, Ahmad da
sauri ya fito daga d'akinshi, a dai-dai lokacin
da yayanshi Surayya da Rukayyah suka fito
daga nasu d'akin, suka iso inda yake kowacce
ta kama hannu d'aya Suna murje ido alamun
yanzu suka tashi daga bacci, had'e da
murmushi a fuskarsu, suna murnar ganin
Dadyn su, dan jiya koda ya iso sunyi bacci,
suna isa dai-dai k'ofar d'akin Suhailah ta bud'e
k'ofar ta fito tana yan hawaye, daganinta duk a
tsorace take, yara kuwa da ganinta sai suka
hau tsalle suna murna, da sauri suka je suka
rungume ta, suna "oyoyo Mumy!!! oyoyo
Mumy!!! "
nan da nan Suhaila cikin dubara ta goge
k'wallan idonta..
Yaran sun bata sha'awa, ta d'anyi murmushi ta
rungume su itama, ita kam gaskiya tayi mata
yawa, yanxu ita take da way'annan yaran
k'yawawa haka,..??? Rukayya ta juya tace "Dady
yaushe ka kawo mana Momy....??" yace "jiya
kuna bacci tazo..." Suhailah a aranta tace "Idan
way'annan y'ay'anane, kenan wannan shine
mijinna...?" ta saki baki tana kallon su ba tare
da tasan takamaiman gaskiyar abunda takeji
ba, ta k'ara d'ago kai ta kalleshi aranta tace
"amma mijina fa ya had'u gaskiya, y'ay'anmu
kuma masha Allah, kamar y'ay'an larabawa"
koda yake, itama Ba daga bayaba wajen
kyau...
Yaran basu ko wanke baki ba suka ce " Momy
yunwa mukeji kuma Momy ke zaki bamu
abinci," haka suka ja ta suna murna zuwa
dinning table, da basu kaita gurin ba, da
batasan ko inane dinning table ba, kamin su
k'arasa Dady yace "kunyi brush kuwa??"
Surayya tace " no Dady, yanzu muka tashi," "
maza ku wuce a muku brush," "Dady mu
Momy zata mana," suka fada suna kallon
Suhailah, sai ga wata mata ta fito, ta duk'a har
k'asa ta gaida Suhaila, ta amsa a sake, suka
mak'ale ma Suhaila ala dole ita zata musu,
yace " kunsan dai ba zakuci abinci ba sai kunyi
brush" suka turo baki na shagwaba "Momy
muje ki rakamu" haka suka ja Suhaila tana kallo
aka musu brush sun k'i yarda a musu wanka,
sannan suka fito, suna rik'e da hannun ta, cike
da nishadi.
Suka k'arasa ta bubbuda abincin, ta zuba musu
dankali da Egg tana basu Suna bata, itadai ci
take amma bakinta wani iri take jinsa tunda
batayi brush ba, sukaci suka k'oshi sannan
sukace "Momy yau ke zaki mana wanka." haka
suka jata har bayin dakinsu, tace " kowa yayi
wanka mu gani kun iya wanka" ai kuwa suka
fara wanka suna wasa da ruwa, abin nema ya
samu, saida suka gaji suka ce "mun k'are suka
fito, oya kowa ya shirya mu gani, suka shafa
mai kamar yanda sukaga nany dinsu tana
musu, suka shirya kansu tsaf cikin wando da
riga mai kama da irin wanda ta sanya, purple
riga da black jeans. Momy kayan mu irin d'aya
da naki, Suhaila kam dadi take ta ji wai tanada
'ya'ya, har biyu, yan mata dasu, aranta tace "
kenan kullan haka nake musu wanka na
shiryasu? Gasu kyawawa dasu, tayi murmushi,
kyaufa yayi, har cikin zuciyarta takejin sonsu,
itakam har ta mance da ciwon da jikinta yake
yi, duk da yayi tsami sosai, kuma da d'an tabo
a hannunta, ta kula yaran akwai mai kula
dasu, da kuma wata tsohuwa da ta hango a
gidan, amma batasan ko wacece wannan
tsohuwar ba.
Rannar haka suka wuni tare da y'ay'anta, cike
take da nishadi, da ta d'auki Rukayya, sai
Surayya ma tace sai ta d'auketa, haka sukayi
bacci a jikinta suna kallo a palo, ta rasa gane
komai itakam.
Nanny dinsu tazo ta kwashe su ta kai su
d'akinsu, ta manta sam da ciwon da kanta da
jikinta keyi, sai da tayi shirin bacci sai tace bari
tayi wanka itama, ta shiga toilet itama tayi
wanka, kamar yanda y'ay'an ta sukayi, ta fito
ta shafa mai, ta saka tufafi har a lokacin dai ba
ta jinta dai-dai ta kwanta ta fara tunanin
wacece ita haka!!!........
Www.Hauwajabo.blogspot.com
Www.jabohauwa.WordPress.com
💥Zaharaddeen💥Shomar💥
Whatapp💥08168575100
[7:20pm, 3/24/2016] ☄Zaharaddeen☄Shomar☄: Hauwa jabo at 11:34
Na manta komai 8-10
🍃NA MANTA KOMAI 8&9&10🍃
©Hauwa M. Jabo
®OHW
Ta kwanta sai juyi take, amma ba abinda yake
zo mata, duk tunanin duniya tayishi amma
bata tuna komai akan kanta, iyakanta abinda
ya faru da ita yau take iya tunawa, yaranta
mijinta sai wankan da sukayi, juyi take tana
baiwa k'wak'walwarta wahala, Amma shiru,
dagyar ta tuna wasu abubuwan da tun tana
shekara goma suka faru, daga nan bata k'ara
tuna komaiba.
tashi tayi ta shiga dube- dube a d'akin nata, ta
bud'e wannan ta bud'e wan chan, anan taga
wasu littafai, ta dauko, abin mamaki sai taga
tana iya karanta wa, littafin da yafi jan
hankalinta shine KULA DA MIJINKI yanda ake
kula da mijine, ta d'auko ta jujjuyashi sai kawai
ta koma bakin gado ta zauna, ta fara
karantawa, tanayi
