Author : Hauwa M. Jabo Category : Complete Novels
marhabin da
Momy, tare kuka zo? Shigo ciki mana keda
gidanki, bisimilla zauna ga kujera nan" haka
kurum sai Suhailah taji tana jin kunyar kaka
Rabi, a ranta kuwa sai sak'e-sak'e takeyi, "ko
waye wannan kuma oho?" Tunda tazo take jin
sunanta, tama taba hangota sau d'aya amma
bata tab'a ganinta ba sai yau, sai kame kame
take sabida kayan jikinta, Kamar dai ya dace
ace tasa kayan traditional irin na jikin kaka
Rabi, "to waima in dai nan take zaune ai ya
kamata ace ta tab'a zuwa gaisheta, kai tabbas
akwai wani abunda bata sani ba, to menene
wannan abun?" Dama ba wando da riga ta
saba, ta mayar dasu kayanta koda yaushe su
take sawa, tsaki tayi a ranta tace "da ba tazo
dasuba, tun da dai tana kyautata zaton uwar
mijinta ce tunda 'ya'yanta suke ce mata kaka,
" nikam na shiga uku, na kasa gane komai! Ko
mijin nawa ina yake oho? Kamar ta tambayi
kaka ina yake, sai ta tuna a littafin da ta
karanta ance a rik'a boye sirrin miji, wannan
ma sirri ne sai ta fasa.
Haka ta zauna ta gaisheta cikin ladabi, "kaka
tace Suhailah ya jikin naki,kin samu sauk'i ko?"
nan take gabanta ya fadi, "ashe bani da lafiya
ma?" Ta cigaba "Ahmad yace min kin fadi ne
baki ji dadi ba" shiyasa ma baki zo ba, kuma
nace zan lek'oki yace wai kina jin kunya ne da
kin wartsake zaki shigo, shi yasa baki ganni ba
nima, jikin da sauk'i ko?" tayi murmushi ta rufe
fuska, cikin jin kunya tace "eh da sauk'i sosai,"
ta dad'e a duk'e dago kan da zata yi sai taga
kaka ta d'auki waya ta kara a kunne tana
magana, tashi tayi da sauri ta fita, kaka tayi
murmushi "ko ta d'auka sirri zanyi yarinya mai
kunya" Suhaila kuwa tana tafe tana sak'e sak'e,
lallai bata da lafiya, shi yasa take jinta kamar
ba itaba, ta tuna ko sunanta ta manta,
idanuwanta suka cika da kwalla ta shiga
d'akinta ta k'ara bincike yan kayan da ke cikin
jakunkunanta biyu, nan ma bata ga komai ba
da zai sa ta tuna wani abu, ta k'ara bubbud'e
duk wani wuri da take tunanin zata ga wani
abu sam bata ga komai ba, anan ta k'ara
fashewa da kuka, kuka sosai take har da
sheshsheka, to me ya Sameta?
Tana nan zaune tana kukanta taji yaranta na
hawowa sama, suna ta surutu, tayi sauri ta
goge fuskarta, kamar zata shige bayi ta wanke
fuska, sai ta fasa, koda suka shigo tare da Dady
suka shigo, shima bata san sunanshi ba, in ba
dan taji kaka Rabi ta fada ba, idanunta suka
k'ara cika da kwalla ta mike tsaye, taso taje ta
rungume shi, kamar yanda ta gani a littafin
data karanta, (kada yara su hanaka yiwa
mijinka soyayya) amma ta kasa, sai kawai tace
"sannu da zuwa" ya kalleta a karon farko tun
bayan zuwanta gidanshi, sabida a palo ma idan
ya ganta tayi bacci d'aukar ta kawai yakeyi ya
kaita d'aki ya shinfidar dama wutar palo a
kashe take, baya wani kallon ta, gata da nauyi
kuwa, amma haka yake tallabota ya kawo daki,
ta k'ara ramewa, ga idonta cike da kwalla yayi
jajir dashi, murmushi kawai yayi, a ranshi yace
"zaki k'are felek'en ki ne yarinya" amma da
mamaki wacce yaji labarinta shez always happy
and active, amma yanzu duk ta canja cikin sati
d'aya, idan ma saukowa tayi ai ya dace ta kawo
kanta ne kawai, bawai ta tsaya jan aji ba. Ya
amsa ta sama sama "yauwa sannunki "
Matsowa tayi maimakon ta rungume mijin sai
ta rungume yaranta "Mumy wa ya dakeki kike
kuka? Ko kaka Rabi ce?" Tace, " no abune ya
shige min ido yanzu, amma na hureshi" ta
dago ta kalli mijinta a karon farko bayan sati
d'aya, kamewa yayi, yace" kunga na kawoku
gunta dama wasu files nazo dauka, bye d'inku"
suna murmushi suka d'aga mai hannu "bye
Dady" ya juya zai fita kenan tace "ina son
magana da kai" ya juyo ya kalleta, sai kuma ya
cigaba da tafiya sai da yakai k'ofa har ya fice
sanan " yace ina zuwa"
Ko mi zata gaya mishi😟
Www.hauwajabo.blogspot.com
Www.jabohauwa.WordPress.com
💥Zaharaddeen💥Shomar💥
Whatsapp💥08168575100
[8:46pm, 3/24/2016] ☄Zaharaddeen☄Shomar☄: [2/6, 10:29 PM] Auntie M. Jabo: 🍃NA MANTA
KOMAI 18-20🍃
©Hauwa M. Jabo
®OHW
Fitarshi da kamar minti biyar Nanny dinsu
Auntie 'yar bak'a tazo ta lallabasu, da k'yar
suka yarda suka bar ta, 'yar bak'a ta tafi dasu
dan tayi masu wanka da shirin bacci dama dare
yayi, ga dukkan alamu Ahmad shi ya turo ta.
Fitarsu da kusan minti goma, sai ga Ahmad ya
shigo d'akin cikin k'ananan kaya bak'in wando
da farar shirt, duk da hankalinta a tashe yake,
dan jinta take a rude, a ranta ta yaba da
shigarshi, da alama daga wanka ya fito, sai
k'amshi yake, ta dago kai ta dube shi tayi
mashi murmushi wanda ya kasa gane mi yake
nufi, sai ya basar dai-dai lokacin da yake
shirin zama saman wata kujera da ya jawo
daga gaban mirror ya kawota gab da bakin
gado kusa da inda take zaune ya zauna, ya
k'ura mata fararen idonsa, bakinshi kamar ya
shafa lipstick sai maik'o yake, sai ya burgeta
har cikin ranta, yace "miye maganarki?" yana
tsotsa minti a hankali, ta kauda kanta daga
dubanshi ta tunzuro baki kadan, wai ita ala
dole shagwaba, dan a littafin data karanta ance
shagwaba tana sanya mace ta saye zuciyar
mijinta lokaci daya,namiji zai ga yanda kika
k'ask'antar da kanki gabanshi kina harkar yara,
bare kuma shi dama namiji kamar rak'umi
yake a gun mace, idan baki iya sarrafashi ba to
kuwa zai zame miki kamar ingarmar doki da zai
zo yafi k'arfinki, dole sai ana hadawa da
shagwaba da lallabawa, a book din an kawo
misalin yanda za'a rik'e miji a nuna mishi fushi,
ba wai da daure fuska da kunbure kunbure
ba, da su gaba ba, no da kissa da kisisina irin
ta mata, an kawo misalan yanda ake yiwa miji
shagwaba da tasirin shagwaba a gun miji,
wanda sune Suhailah take jarrabawa.
A sanyaye a shagwabe take maganar, tace
"nasan bani da lafiya, amma ya kamata ai kayi
mani bayani," yanda ta mishi magana cikin
sanyin murya, da yanda ta shagwabe masa ya
burgeshi, wanda yake ganin kamar gaba d'aya
ta sauko ta barwa Rabbana komai. Yace
"wane irin bayani zan miki kuma? Bayan kin san
baki da lafiya mi zan miki?" Ido ta dago ta mai
wani kallof,, saida yawu suka sark'eshi, saida
yayi guntun tari, a ranshi yace "wato yarinyar
nan ba k'aramar 'yar rainin hankali bace" duk
suka yi shiru na wani lokaci sanna ta cigaba da
cewa, "dama haka muke zama tuntuni baka
zama gida? Kuma bama magana?"
Dariya yayi sosai, ya kalleta, sama har k'asa ya
girgiza kansa, sai kuma ya d'aure "Please kada
ki nemi ki bata min lokacina, inada ayyukan da
ya dace nayi, idan kin hada wani plan sai ki
nemo ni, but now, game is over for you" ya
mik'e zai wuce da sauri ta rik'e hannunsa,
sokoko yayi yana kallon ta, ta zaunar dashi ya
kuwa zauna.
"Zan maka tambaya uku zuwa biyar duk lokacin
da kake free sai ka bani amsa"
" please wacece ni?
Miye sunana?
Ina iyayena?
Kuma inane naje da yarana suke murnar
dawowata?"
Ta kalleshi sosai, taci gaba "nifa ba abinda na
sani a kan kaina, bare wani nawa
kai kanka ban san sunanka ba, amma nasan
kai mijina ne, tunda ga yaranmu nan da nake
tunanin yan biyu ne, suma da ace banga
gashin kaina da nasu iri daya bane wallhy da
nace ba yaran mu bane, dan Allah duk lokacin
da kayi free ina jiran amsoshi na"
ta mik'e da sauri zata nufi hanyar bayi, dan
kuka na neman subuce mata, rik'o hannun ta
yayi ya juyo fuskarta suka fuskanci juna "Thank
God da kika san cewa I am your husband,
yanda kika gane cewa ni mijinki ne, wannan ma
ya zame miki assignment kije ki gane amsar
sauran tambayoyin ki" ya nunata da
hannu,"shame on u da kika yi failing game
dinki ranar farko, kin kasa winning duk zamanki
smart girl," sauke kafada yayi, but still you try,
u can go on, may be next episode u can win,
but now u fail Zeroooo" ya fadi zero din yana
zare ido, yanzu muna 1-0.
Ya kalleta kallon kinyi missing yace,
"zaki zama fa gud player but u need more &
more training" tsaye tayi tana kallon sa, gabaki
daya ya k'ara batar da ita, ya k'ara dagula
mata lissafi, ya k'ara sata wani duhu bayan
wanda take ciki, ta yanda bata ma san ta inda
zata kamo lamarin ba. "kina iya wucewarki, ina
jiran next episode" ya fada yana murmushi
juyawa yayi ya wuce abinshi, har ya kai bakin
k'ofa sai kuma ya tsaya yace "idan kin shirya
wani din ina d'aki na ki kirani, da kin bi nan
corridor direct zai kaiki d'aki na, dan nasan
shima zaki ce baki san gurin ba" ya juyo da
kanshi da kafad'arshi ya kalleta, idan kuma kin
yarda game is over duka d'aya ne a gurina, ya
wuce abin shi duk da bata san ina zancen shi
ya nufa ba ta sami kanta da bashi amsa da
cewa, "d game is not over, yanxu aka fara ma"
da k'arfi ta fad'a ta yanda zai jiyota.
Murmushi kawai yayi ya wuce abinshi, ya shiga
d'aki yana tunanin wannan yarinya, tama raina
ma kanta wayo, dan ba shi ta rainawa wayo
ba, ya cije yatsa, ya naushi iska, "miyasa ban
biye mata bama? Da sai na bata amsa kamar
yanda ta buk'ata, dan kuwa zata yi dadin
playing, dan zan ta winning dinta ne, ko ba
komai she's beautiful & she make me happy
today, in fact she make my day, kan gado ya
fad'a yana ta tunanin Suhaila da abinda ta
mishi, yana ta murmushi, mata akwai fi'ili,
yana ganin fuskarta kamar ya santa,
musamman lokacin da ta mishi wannan
shagwabar tata, amma ya kasa tuno ina yasan
ta, shi duk ya d'auka da gaske game take
dashi. Bai san seriously Suhaila tayi loosing
memory dinta bane.
********
Can gidan su Suhaila kuwa da suka jita shiru,
sai suka yi tunanin ko har yanzu bata huce
bane game da irin auren da akai mata, tunda
ta nuna bata so, k'arshe ma tak'i bari akaita
ne, tayi fushi dasu, dan haka yasa ta kashe
wayar ta, dan duk wanda ya buga baya
samunta, idan aka tambayi Ahmad sai yace
tana nan lafiya lau, mama ce ta damu akan sai
tayi waya da autarta, ta kuwa dami Ahmad
akan ya kira ya bata suyi magana!
Ya kenan?
Www.hauwajabo.blogspot.com
Www.jabohauwa.WordPress.Com
💥Zaharaddeen💥Shomar💥
Whatsapp💥08168575100
[8:50pm, 3/24/2016] ☄Zaharaddeen☄Shomar☄: 🍃NA MANTA KOMAI 21&23🍃©Hauwa M. Jabo
®NWA
Yana office amma tunani yake yi, ya zai
tunkare ta, ko kawai yaje ma ta da sunan
game d'in ne shi ma? Idan ta ce ba ta sani ba
sai ya gaya mata, dan yana kunyar Mama,
"No I will not do that. Zanje kawai na ce
mamanta za ta yi waya da ita, duk shirmenta
ai tasan maman ko?" jeeeem ya yi, a ranshi ya
ce "yarinyar nan fa ba k'aramar shedaniya
bace," tsaki ya ja "zanga dai yanda za ta bullo
wa abin, sai ni ma na san yanda zan bullo ma
ta," ya tattara files ya fito, ya kama hanyar
gida yana yan sak'e-sak'e a hanya har ya isa
gida.
Palo ya tarar da su ita da 'yar bak'a, ana koya
ma ta girki, dan black duk wani abu na chi to
ta na gurin, sabida tsabar kwad'ayinta, baiko
kalle ta ba, ba ta ma san ya shigo ba, sai ji ta
yi ya ce "ki sameni a d'aki yanzux" taji mi ya
fada, haushin ta d'aya kar 'yar bak'a ta ji ta
rainata, dan akwaita da iyayin banza, bayan
kamar minti biyar ta mik'e ta wuce, d'akin ta
shiga ta wuce toilet ta wanke hannuwanta, ta
fito da har zata chanza kaya, dan wani
3quarter na Jeans ne a jikinta, sai kuma 'yar
figigiyar best, gata 'yar lukuta da ita, ta tuna a
book din nan ance "ba kullum bane zaka rik'a
budewa namiji jiki ba," tsaki tayi "bayan ya
gama gani na ma, miye ya rage wanda bai gani
ba tunda muna da yara har biyu," Turare ta
fesa, mai sanyi sosai, ta bude wardrobe za ta
ciro riga sai kawai ta gan shi ya shigo, ta juyo
ta kalleshi, sai ta rufe wardrobe d'in, ta fuske
abinta, da sauri ya kauda kanshi, a ranshi yace
"'yar lukuta kawai amma ta had'u fa , a
bayyane ya ce "dama mama ce takeson
magana dake, zaki iya tuna ta?" Gyada masa
kai tayi alamar NO, dariya taso kubce masa sai
ya dake, okay, " mama itace mamarki, gaisheta
zakiyi cikin tarbiya", " ya ake gaisuwa cikin
tarbiya?, " ta tambaya, dariya yayi amma
badan yaso ba, dariyar ce taci k'arfinsa, ya
kuwa zauna kamar gaske, ya gaya mata yanda
zata ce , ita ko harda maimaitawa tayi irin haka
kake nufi ko? Gyada mata kai kawai yayi, a
ranshi yace " 'yar rainin wayo kawai," ya kira
mama bayan sun gaisa yace mama ga autar ki,
but still fushi take dake, ya mik'a mata wayar,
tayi d'an gefe da kan wayar tace dashi "nice
auta?" Yace "Eh, " " to kuma kace na gaidata
cikin ladabi, kuma kace mata ina fushi ya
zanyi?" Karbar wayar yayi ya kashe haushi ta
bashi sosai, "malama idan bazakiyi magana ba
ki bari! Mahaifiyar kice kike yiwa wannan
shirmen ! Ke idan baki san darajarta ba ni na
sani, kada Allah yasa kiyi mata magana," a
fusace ya mik'e, rik'e masa hannu tayi, a
shagwabe tace "kayi hak'uri zanyi magana da
ita kaji" tsaki yayi mara sauti ya dawo ya
zauna, ya fara dannawa, Wait Wait,ta dakatar
dashi, " normal zanyi magana da ita ko kuma
cikin fushi? " ya kalleta rai a bace" cikin fushi
da ladabi" "yaya kenan?"" ban sani ba " mik'a
mata wayar yayi, ta kara a kunne, sun gaisa
fushi fushi take maganar amma da ladabi
kamar yanda oganta ya umurceta, chan mama
tace " ga suhail zaku gaisa " zare ido tayi ta
kalli Ahmad, a hankali tace "waye suhail dan
Allah " banza yayi da ita, suhail kuwa yana
chan yana zuba kamar kanya, matsowa tayi daf
dashi ta d'an bubbugashi, waye suhail, baiko
motsaba yace "mata d'an uwanki ne" sannan
ta fara masa magana yanata complain ta
sharesu duk fushin ne takeyi dasu har yanzu,
ita kuwa sai aikin bada hak'uri takeyi ba tare
da tasan miye laifin nata ba suka k'are ya
baiwa mama, nan mama ta shiga mata nasiha
akan tabi mijinta, ta na ta In sha Allah ba
abinda ta gane sai d'an yak'e da ta ke muvsu
ta na cewa sorry, Mama ba taji dad'in yanda
'yar tata take mata magana ba, amma tasan
su suka mata laifi, sun yi sallama ta mik'a
masa wayarsa " ki ijiye min a nan " ta ijiye har
takai k'ofa za ta fita saita waigo shi, karaf
idonsa akanta yana mata kallon kamar
mayunwachin zakin da ya hango nama, sauri
ya yi ya janye idonsa, murmushi ta masa ba
tare da ya gani ba, ta fice abinta, a ranta tace
ashe ma har yanzu yana sona, kawai dan bani
da lafiya ne. Chan ta sami 'yar bak'a ta kusa
kammala wa, sorry black na ijiyeki ke kadai..
💥Zaharaddeen💥Shomar💥
Whatsapp💥08168575100
[10:17pm, 3/24/2016] ☄Zaharaddeen☄Shomar☄: 2/13, 10:33 PM] Auntie M. Jabo: 🍃NA MANTA
KOMAI 24&26🍃
©Hauwa M. Jabo
®NHW
"No ba komai ai kin je gun mijinki ne" kallon ta
kawai tayi, aranta tace "wannan black akwai
bala'in shishshigi a gunta, suka k'are aikin, ta
fito zata d'aki kichibis suka yi da shi , " Sorry "
ta fad'a fuska a sake, bai kula taba ya gangara
k'asa ya wuce gun aikinsa.
*********
Alhaji Ibrahim ya shirya tafiya wani aiki a
morocco, amma yaga bazai iya tafiya baiga
yarshi ba, musamman yanda take fushi dashi,
shiryawa yayi ya kamo hanya, saida ya iso
Abuja sannan ya kira Ahmad ya shaida mishi,
yana gari, Ahmdy cike da farin ciki ya tarbo
Dady su ka wuce gida, sun tarar da Suhaila,
'yar bak'a na koya mata yanda ake sinasir,
gidan ya had'e da k'amshi, Dady cike da farin
ciki yau zai had'u da 'yar autarsa, sunyi
sallama, ta fito da sauri jin maganar Ahmdy da
rana tsaka.
Sannu da dawowa, ta fad'a ta kalli mutumin,
lokaci d'aya ta gane shi, da yake ta tuna wasu
abubuwan da suka faru lokacin da take 'yar
shekara takwas haka, so ta gane Dady, cikin
girmamawa ta gaidashi, Dady yana ta jin d'ad'i,
Ahmdy ya sami gu ya zauna, a ranshi yace
"wato yarinyar nan ta raina min wayo ko?.
Zaki gane Dady d'inki, dama ni nasan duk kissa
ce ta mata" Dady bari na shiga ciki, Ahmad ya
barta da Dady d'inta, nan fa ya fara mata
maganar da sam bata san ina ya nufaba, sai
rudar da ita yakeyi yana bata hak'uri, "wai mi
suka min da suke bani hak'ur'i?".
Haka ta k'are zaman ta da rashin sanin kan
zance na Dady har sukayi sallama,
Dady zai tafi, ta haura sama ta kira Ahmad sai
kuma taji olooo, dan ba zata iya shiga d'akinsa
ba, sai ta dawo, "Dady ka mishi waya inaga
baya gida" "ke Ina wayar ki ?", "ta b'ace ne
Dady ", "ok". Ya kira Ahmad ya sauko suka yi
sallama ya wuce.
Za ta haura sama ya janyota da k'arfi saida ta
fad'a jikinshi, " kin raina ma kanki wayo ko?
Wato ni ne baki sani ba, amma kin san
iyayenki, miyasa baki iya playing game ba?",
kallon ta ya yi ido cikin ido sai kuma ya saketa
ya juya ya wuce dakinsa tsaye ta yi ta na kallon
sa...
************
Yau da gobe Suhaila tayi wata daya a gidan
Ahmdy, bata ganinsa sam bare suyi game d'in
da ya ke ce wa su yi, duk tabi ta damu, komai
na ta a hankali ta ke yinsa sabida ta fahimci
kamar ta MANTA KOMAI ne, abin duniya ya
isheta, ta yi kuka har ta barwa Allah, tun ta na
shiga hanyarsa ya na disgata har ta daina kula
sa, harkar gabanta data yaranta ta saka gaba,
ba abinda ta rasa a gidan komai normal.
Ahmad kuwa a hankali sai yake ganin kamar
abinnan da gaske takeyi, sabida ya aunata a
hanyoyi daban- daban ba tareda ta sani ba
kuma ya na ganin lallai kamar da gaske ta
manta komai, sai ya tuna lokacin da "sa" ya
wurgar da ita kanta ya fara bugun k'asa, may
be kan ya sami matsala ne tadan yi missing din
wasu abubuwan, yana son ya kaita asibiti gashi
ta d'auke masa k'afa gaba d'aya, d'an gaidashi
da take duk ta daina, duk yabi ya damu, shima
k'arshe ya yanke shawarar zai kaita asibiti
kawai a duba ta.
Da wuri ya dawo gida ya tarar da su ita da
yara su na wasan 'yar b'oye idan aka kama
mutum shi kenan, idan ba'a kama shi ba sai
aje a goyashi, to kullun in su ka yi, idan ita ta ci
sai su ce 'Dady zai goyata", ana ta tara goyon
har yakai tara.
" yeeee Dady zo ka goya Mumy, tana bina
bashin goyo hudu, Rukayyah kuma tana binta
biyar, dama munce kai za ka biya ta," Surayya
tace " Mumy zo Dady ya biyaki", "na yafee"
kawai tace musu ta wuce d'akin ta.
Tana zaune bakin gado ta tallabe kumatunta da
kanta, sai ta ji shigowarsa, k'in d'agawo tayi
bare tamar magana, yazo kusa da ita, ya dad'e
yana kallon ta, sannan yayi magana "Suhailah,
ki shirya gobe muje hospital a miki check up,"
kamar bata ji shiba haka tayi, tayi baya da
kanta ta kwanta idonta a rufe, ya tsura mata
ido sosai, har cikin ransa yake jin yasan ta
amma ya kasa tunawa, ya gaji da tsayuwa sai
kawai ya wuce dakinsa, haka ya kwana yana
addu'ar Allah yasa abinda yake tunani bashi
bane.
Da safee bayan ya k'are shiri yazo gunta, "ba
nace zamu hospital ba?", "Bazan jeba" , haka
kawai ta fad'a" murmushi yayi "haba maman
twins"... tun kamin ya fadi abinda zai fad'a ta
karbeshi, "da gaske yarana twins ne?",
Fuskanta a washe, "idan mun dawo zan miki
bayani", ta turo baki" kaine Dady tun yaushe
kasan bani da lafiya amma kak'i kaini hospital",
"kiyi hak'uri yanzu zamu tafi", haka ya mata
wayo ya lallab'a ta suka tafi,
