Author : HAUWA A USMAN Category : Complete Novels
ganin haka ya k'ara firgi tata tare da gigicewa,
cikin tsananin razane ta saki gigitacciyar k'ara,
wanda yajo hankalin students d'in dake zaune wajen,
gaba d'aya, sukayo kanta suka zagaye ta, suna zuwa kusa da ita kuma, sai suka fara ja baya-baya harda mazan, ganin abunda yake jikinta, dan ana iya hango, bindin wanda ke cikin rigarta d'inma a saman k'irjinta sai jujjuya bind'in yakeyi, tuni students suka fara tayata sowa, mata kam harda ihu, wasu har cewa suke "Wayyo Allah macizai nefa a jikinta, ku mazan ku taimaka mata mana, wayyo zasu sareta fa". su kuwa mazan da ake gani kamar sune jaruman sai cemata suke,
"Kiyi tsalle zasu fad'i".
suna fad'in hakan suna kuma k'ara matsawa baya-baya, duk sun cika wurin, sun kuma gaza taimaka mata, ita kuma, sai ihu takeyi da kururuwa da Andd'ar neman taimakon Allah.
Tun daga parking lord, yake jiyo yadda wurin ya rud'e, a hankali ya bud'e motarshi ya fito, tare da d'aga kanshi sama yana hago yadda dalibanshi sukayi dandanzo sunata ife-ife, ga kuma sikiwritis d'in makarantar ke tsaya sunyi cirko-cirko, baki ya d'an tab'e dan a zatonsa maciji ne suka gani suka gaza kashewa, tsaki ya d'an ja tare da yin kansu yana
tafiya cikin takunsa na isa da cikar haiba,
hango dandanzon students d'in nashi yayi a waje d'aya sun zageye juna,
Ita kuwa Sanah sosai take kukan fitar hankali tana ihuuu da tsalle,
karaf idanta ya sauka akan na Sir Moli daya iso wurin yanzu
a rud'e ta fara kwala masa kira tana kiran sunansa da iya k'arfinta da karaji,
Sir Moli! Sir Moli!! Sir Moli!!! please kazo k'adangaru zasu kasheni, wayyo Allah na!,
ganin yadda duk ta rud'e tana kuka yasa Sir Moli ya nufi inda take, students suna ta bud'a mishi hanya, tare da rusunawa suna gaidashi,
Gabanta ya tsaya ya tsura mata ido ganin yadda taketa tsalle da ihu da kururuwa, fuska ya tsuke tare da kauda kanshi gefe, A hankali yasa ............
*-Am so sorry Fans, kunjini shiru kwana biyu, abubuwane suka dan min yawa, Amman in sha Allah yanzu zamuci gaba, har sai in watan Ramadan ya kama zamu ajiye kuma sai bayan Salla-*
MOMYN ZARAH
_*RASHIN SANI.......*_
*HAUWA A USMAN*
_JIDDARH_
```Wattpad:HauwaAUsmanjiddarh```
2⃣1⃣
Tana fita harabar gidan ta hango Hanash tsaye,
tsayawa tayi daga nesa kad'an yadda bazai ganta ba,
tana mamakin abinda ya kawo shi gidan su,
da yadda akayi ma har ya san gida,
a fili tace " ko dai k'arar my Sanah kawo?
Tayiwa kanta tambayar,
da sauri ta k'arasa gare shi,
tunda ya hango ta ya kafe ta da idansa, baya ko k'iftawa,
d'an gutun murmushi ya sakar masa,
ta mayar masa da martanin murmushin,
cikin nutsuwa tace " ina wuni?
" Lafiya Alhamdulillah, ya fad'a still idanshi yana kanta,
ganin yadda ya k'ura mata ido,
baiko blinking yasa ta yin k'asa da kanta,
jin shirun yayi yawa yasa ta d'ago kanta,
aiko karaf idanuwansu suka sark'e cikin na juna,
tayi saurin mayar da kanta k'asa,
murmushi yayi mai sauti kana yace " ina san kunyar nan taki,
bata d'ago kanta ba, bare tace masa wani abu,
"magana nake sanyi dake please,
hope zaki ban dama?
Kanta k'asa tace " ok muje ciki,
gaba tayi yana binta a baya har suka k'arasa set room,
d'akin da aka tanada dan bak'i,
cikin sanyin murya tace " Bismillah ka zauna,
cikin nutsuwa ya zauna a d'aya daga cikin kujerun,
itama ta zauna,
zai fara magana suka ji sallamar mai aiki,
Khulud ta bata izinin shigowa,
ta shigo d'auke da tray fal da drinks ta ajiye a gaban Hanash kana ta fita,
zai kuma yin magana Khulud tace " kasha wani abun tukunna,
ta fad'a tana tsugunnawa agaban tray d'in,
rasa wanda zata bashi tayi dan haka tace " wanne zan baka?
Tayi maganar kanta k'asa,
murmushi yayi yace " any one,
d'aukar d'aya daga cikin drinks d'in tayi ta mik'a masa,
wajen amsar drinks d'in ya had'a da hannunta batare daya sani ba,
daga shi har ita wani mugun shock suka ji,
da sauri ta zame hannunta, shima yayi saurin sakin hannun nata da leman,
cikin nutsuwa ta aje masa drink d'in a gefensa,
kana ta koma ta zauna,
d'aukar drink d'in yayi ya kurb'a kana ya ajeye a gefe,
ya tattara dukkan nutsuwa da hankalinsa gare ta,
cikin sanyin murya ya kira sunanta " Khulud!
yana yin yadda ya kira sunan nata ne yasa ta kasa amsawa,
a hankali ta d'ago kanta ta zuba masa idanta dan jin abinda zaice,
d'an shiru yayi kana ya sauke numfashi ya soma magana,
" kin san komai yin Allah ne,
kuma Allah shike had'a mutum da mutum,
kowa yasan farkon alak'a amma babu wanda ya isa yasan k'arshenta,
kamar yadda kika fad'awa 'yar uwarki dukkanin mu bamu san zamu had'u ba,
amma Allah da kuma k'addara ta had'a mu,
d'an shiru yayi, ya kasa cigaba da magana,
sai da ya sauke ajiyar zuciya kafin yace,
tun ranar dana fara ganinki naji abu a raina game dake,
amma sai ban damu ba,
amma daga baya saina gane SO!!!ne,
cikin wata irin murya mai wuyar fassarawa yace " I love you,
ya fad'a cikin harshen turanci dan bai iya fad'a da Hausa.
Da sauri Khulud ta d'ago kanta ta kalle shi,
marairaice fuska yayi kamar zayyi kuka yace " please Khulud don't say no,
murmushi Khulud tayi tana kallanshi,
tace " ina ni ina amincewa wanda Sanah ta bata so,
ta kuma fi tsana sama da komai,
ban tab'a amincewa wanda baya shiri da My Sanah,
duk namijin dakaga na amincewa kona aura to ka tabbatar da my Sanah ce ta zab'ar min shi a matsayin abokin rayuwa ta,
duk sanda nakeyiwa abu muddin my Sanah bata sanshi nima ban sanshi,
kamar yadda nasan bazan tab'a san abinda bata so ba har abada,
zayyi magana tayi saurin d'aga masa hannu tace " kaje ka fara neman izinin yarda ta daga gare ta,
kaje wajenta ka nemo soyayyata,
muddin ta yarda ta kuma amince koda ban sanka nayi maka alk'awarin zan aure ka,
wani irin abu Hanash yaji tun daga tafin k'afarsa har zuwa cikin kwakwalwarsa,
k'ululun bak'in ciki ya takare masa zuciya da mak'ogwaransa,
take ya kuma jin sabuwar tsanar Sanah ta dirarmasa a ransa,
yaji ya tsane ta fiye da komai da kowa,
yaji tunda yake a duniya bai tab'a tsanar wani abu kamar yadda ya ji ya tsane ta ba,
leb'ensa na k'asa ya cija da k'arfe,
had'i da runtse shu'uman idanuwansa,
a ransa yake jin koda zai rasa Khulud,
kuma koda ciwon santa da k'aunarta zai zama ajalinsa bazai tab'a neman alfarma a wajen Sanah ba,
a hankali ya bud'e idansa da suka canja launi ya sauke su akanta,
ya jima yana kallanta yana jin mugun so da k'aunarta na k'ara ratsa duk wani b'argo, jini da jijiya dake jikin sa,
cikin sanyin murya yace " please Khulud wallahi ina iya mutuwa idan kika k'i amince man,
murmushi tayi tace " maganin cutar zuciyarka da mutuwarka,
yana hannunka, sai kayi maganin matsalarka da kanka,
zayyi magana tayi saurin cewa " please zan shiga gida,
my Sanah na hanyar dawowa ban san ta dawo ta iske ka,
dan nasan ranta zayyi mugun b'aci,
ni kuma duk abinda zan sanya ta cikin b'acin rai da damuwa ban san shi,
kullum bani da burin daya wuce na ganta cikin farin ciki da walwala,
tayi maganar tana mik'ewa, shima jiki a sanyaye ya mik'e yabi bayanta,
sallama tayi masa kana ta koma cikin gida,
bayanta yabi da kallo harta shige cikin gidan,
cikin motarsa ya shiga cike da bak'in ciki da damuwa,
har yayi hanyar gida ya tuna sak'on Papu daya aike shi BUK tun last week,
na yaje kan maganar Admission d'insu Zohal,
direct BUK ya nufa.
Sir Moli yace " cire mayafinki ki yar,
kanta ta girgirza masa alamar a'a,
yace " idan baki cire mayafinki ba, na kan fuskar taki ma zai shige miki cikin rigarki fa,
kallan taran jama'ar dake wajen tayi,
taga gaba d'aya hankalinsu na kanta,
kanta ta kuma girgiza masa cikin matsanancin kuka tace "ban iyawa,
tsawa ya daka mata cikin fad'a yace " wai badake nake magana bane?
"Dalla can cire mayafinki ki yar,
cikin kuka tace " I can't,
Sir Moli tsare ta da idansa yayi yana tunanin abinyi,
" kiyi tsalle da k'arfi zai fad'i,
ya fad'a while idanshi na kanta,
ba musu Sanah ta buga tsalle da k'arfi,
maimakon k'adangaren dake kan fuskarta ya fad'i k'asa sai ya shige cikin rigarta,
Sanah naji ya shige cikin jikinta ta kuma sakin gigitacciyar k'ara,
daga cikin jikinta taji k'adangaren yasa farcensa yana kartar fatar cikinta,
tsalle ta farayi sosai tana kuka,
gaba d'aya fuskarta tayi jajir,,
hawaye da majina sun had'e sun yiwa fuskarta faca-faca,
tsallan datake yi yasa k'adangaren yin k'asa yana neman hanyar shiga cikin siket d'inta,
tana jin yana neman hangar guduwa,
saboda shima a takure yake ,
farce ya saka yana kartar fatarta sosai,
tsoran da yayiwa Sanah yawa ne yasa,
numfashinta ya d'auke tayi luuuuuuu zata fad'i k'asa,
cikin zafin nama Sir Moli yayi wuf ya tare ta,
ta fad'a jikinsa a some,
jikinsa na kerrma da tsuma,
kansa ya kawar gefe had'i da runtse idanuwansa,
kana ya d'aga rigarta kad'an ya zura hannunsa ciki,
ya cire k'adangaren yayi jefa dashi,
jijjigata ya shiga yi had'i da kiran sunanta,
Sanah! Sanah!.
Amma batako motsa ba, controlling kansa yayi ganin agaban students yake,
dan haka ya had'e face ya sungume ta yayi office d'insa da ita,
students suka bi bayansa da kallo cike da mugun mamakinsa,
akan table d'in dake office d'insa ya kwantar da ita,
da sauri ya nufi fridge d'in dake cikin office d'insa,
ya d'auko robar faro,
hannunsa na rawa ya b'alle murfin ya zuba mata ruwan,,
ajiyar zuciya ta sauke da k'arfi,
had'i da rirrik'e shi gam,tana cigaba da kuka,
ganin har lokacin bata dawo hayyacinta ba,
yasa shi cewa " ke dalla bud'e idanki,
yayi maganar a dak'ile,
jin muryarsa yasa ta saurin bud'e idanta,
ta zuba su cikin nasa tana kallan cikin kwayar idansa,
hannunta data rik'e shi yabi da kallo,
tayi saurin sakin shi, baya ya ja ita kuma ta mik'e zaune had'i da sanya hannunta tana shafa cikinsa,
jin wet yasa ta saurin ciro hannun ta kalli hannun,
ganin jini yasata zaro idanta,
jikinta na rawa ta d'aga rigar jikinta.
Kuka ta saka ganin sosai k'adangaren ya karce mata cikin ta da faratansa,
kallanta yayi yana mamakin yadda kuka bai mata wuya,
d'an tab'a baki yayi kana ya nufi inda yake ajiye first aid box,
ya d'auko, direct ya nufe inda take zaune tana kuka,
" kwanta, yace a tak'aice,
kallansa tayi cike da mamaki,
taga ya kauda fuskarsa gefe,
banza tayi dashi tayi kamar bata ji ba,
ya kuma cewa " kwanta,
" in kwanta kuma?
Ta fad'a tana kallan fuskarshi,
ganin ya had'e rai yadda kasan bai tab'a yin dariya ba,
yasa ta kwanciya kamar yadda ya umarce ta,
"d'aga rigar ce, yayi maganar yana bud'e box d'in,
da sauri ta kalle shi,
tace " kamar ya na d'aga riga ta mezakayi man?
Bai kulata ba " ya kuma cewa " nace ki bud'e rigarki ko?
Ya daka mata tsawa, mik'ewa tayi zaune,
while idanta nakan shi,
tsaki yayi "mtswwwww kana yasa hannunsa ya maida ita kwancen,
ya d'aga rigarta d'an sama kad'an,
kamar baya so ya fara yi mata dressing,
yana cewa " banza kawai zan za'a taimaka miki uban me zan gani?
"Kwaila dake har kina wani b'oye-b'oye,
ko uban me zan gani ajikinki oho,
yayi maganar cikin nutsuwa,
Sanah zatayi magana taji an turo k'ofar an shigo,
da sauri ta mik'e tana gyara rigarta,
tsawaye cak Hanash yayi had'i da k'ura mata ido na tsayin lokaci,
a ransa yace " wato wannan yarinyar bayan fitsara da rashin kunya,
ashe ta had'a harda iskanci?
Ya tambayi kansa, "haba ba mamaki shiyasa kwata-kwata bata jin tsoro ko kunyar uban kowa,
ya fad'a cikin ransa, d'an kwallinta da mayafinta dake k'asa yabi da kallo,
wanda itama sai lokacin ta lura dasu,
tasan kuma kanta babu d'an kwali,
hannun Sir Moli dake kan cikin Sanah yabi da kallo,
da sauri Sanah ta lura da hannun tayi saurin ture hunnun nasa gefe,
cikin sanyinsa Hanash yace " I'm sorry na katse muku hanzari ko?
Bai jira abinda zasu ce ba, ya fita,
Sanah ta runtse idanta da k'arfi had'i da dafe goshinta,
Aryan ya kalle ta yace " kin san shine?
"Eh tace,
yace " waye shi?
Ya kuma tambayarta idanshi na kanta,
baki tad'an tab'e kana tace " ba wani saninsa fa nayi sosai ba,
ta fad'a tana mik'ewa,
mayafinta da d'an kwallinta ta d'auka,
jingina yayi da table d'in, had'i da hard'e hannayensa a k'ijinsa,
ya zuba mata ido, yace " d'azu sunanwa kika kira?
Tana d'aura d'an kwalinta tace " Sir Moli, ta batare data kalle shi ba,
yace " waye shi, meye alak'arki dashi da kike kiran sunanshi?
Ido ta zaba masa tana mamakin tsantsar rainin wayonsa,
kana ta tab'a baki tace " bani da alak'ar komai dashi,
yace " kin san shi kenan?
Ya fad'a idansa na kanta,
"eh na sanahi wani mugun secondary school teacher d'in mu,
kwata-kwata bai da tausayi da imani,
ba ruwanshi da yarinta ko k'ank'antar shekarun yarinya,
ta fad'a idanta tarrr cikin nashi,
mamaki ne ya hana Sir Moli cewa komai,
" lalle yarinyar nan bata da kunya da tsoro,
ya fad'a cikin ransa,
a fili kuma yace " amma duk da wannan mugayen halayen nashi meyasa baki kira sunan kowa ba sai nashi?
" Bayan nasan kina da wad'anda suka fishi kusanci dake,
kallan shi tayi na wani lokaci,
kafin tayi rolling sexy eyes d'inta tace " hakan ya tab'a faruwa ne,
bawai saboda mahimci ko kusancinsa dani bane yasa ni kiran sunansa,
dan kwata-kwata bashi da wani kusanci ko alak'a dani,
dan ni na maanta dashi da rayuwarsa,
kawai dai naji sunansa yazo baki na ne,
ido ya zuba mata na tsayin lokaci kana yace,
"meyasa dance ki cire mayafinki kika k'i cirewa?
Sai da ta yamutsa fuska kana tace " Wani Malamin mu ne ya bani shawara,
still idanshi na kanta yace "Akan me?
Ya kuma tambayarta,
sai da ta juya idanta kana tace " yace na zama d'aya daga matan dako kashe su za'ayi basu tab'a bayyanar da tsiraicinsu ba,
bazasu tab'a zubar da k'ima da mutuncin su ba,
saboda yace man duk d'an Adam d'in,
daya rasa k'ima da mutunci dashi da dabba duk d'aya suke,
sassanyar ajiyar zuciya ya sauke yace "waya fad'a miki duk wannan?
Air Moli ya fad'a yana kallanta,
murmushi tayi kana tace " wannan mugun Malamin namu ne dai,
murmushin takaici yayi kana yace " zaki iya tafiya,
tayi masa murmushin rainin wayo kana ta fita,
Sanah na fita taga garin da hadari sosai,
sai iske akeyi mai k'arfi,
ganin duk malamai da d'alibai nata tafiya gida,
masu yin hostal nayi,
yasa Sanah kiran Aarib a waya,
tambayarshi yana ina tayi,
ya amsa mata da yana office aiki yayi mishi yawa,
idan sun gama lecture's ne tahau adaidaita sahu.
Get ta nufa iska na neman kada ita,
tana ta fama da mayafinta,
shima ganin hadari yasa shi d'aukar brief case d'insa yayi hanyar fita daga office,
ya d'ora hannunsa akan handle ya bud'e k'ofar,
sukayi karo da Leem dake k'ok'arin shigowa cikin office d'in,
fuska Sir Moli ya tsuke had'i da jan tsoki,
yace " mtswwwww banza kawai ka wani shigo da k'arfi ka buge ni,
" dalla kai baka canja halinka,
koyaushe aka kanga rai a had'e kamar wanda akayiwa sammacin mutuwa,
kullum kai fuskarka babu fara'a da murmushi,
Leem ya fad'a yana dariya had'i da d'an dukan kafad'ar Aryan,
Sir Moli ya d'an basar,
Leem yace " to mu shiga mota mana,
kabarni yayyafi yana dukana,
murmushi Sir Moli yayi yace dalla matsoraci kawai,
ashe dai har yanzu baka daina shegen tsoran nan naka ba,
sai shegen tsoro kamar wata mace,
ko uban me ruwan sama zayyi maka oho,
" ba wani tsoro kaima ai kasan ban san ruwan sama zazzab'i da ciwon kai yake sani,,
muddin na bari ya dake ni ko yayane,
Leem yayi maganar suna shiga mota,
Leem na cewa " dama yanzun nan nazo gunka fa,
kwana da yawa bamu had'u ba,
kayi wuyar gani, yau na shigo kano shine nace yau dai bari na shigo mu gaisa ko'a tsaitsaya ne,
a gida ma nabar mota ta.
Sir Moli na driving,
Leem yace " kai dai ka nacewa kano,
kwata-kwata kak'i zaman Maiduguri,
wallahi kai dai banza ne,
ko uban me kake samu a kanon oho,
na rasa me ka gani a makarantar nan ka mak'alewa makaratar,
ko dai 'yan matan makarantar ke d'auke maka hankali kake san kayi ta kallansu?
Tsaki Sir Moli yayi had'i da tsuke fuska ya tab'e baki,
" to meye abin kallo ajikin 'yan mata?
" 'Yan matan har wasu ababen kallo ne?
" Bayan duk yawancin su tatsitsan yara k'anane,
duk kwalaye ne,
ku mata suka dama suke kuma gabanku da har kuke maganarsu,
Sir Moli yayi maganar kamar bayaso,
cikin dariya Leem yace " ah lalle kam ba ababan gani bane,
ai dama kai d'an banza ne, nasan dama baka tab'a d'aukar mace abar kallo ba,
mu dai da Allah ya jarrabe mu da san mata ya kuma bamu lafiya sai muyi tayi,
hankalin Sir Moli nakan tuk'in dayake yi yace " kamar ya ku da Allah ya bawa lafiya?
" Eh mana, in ba mara lafiya ba ya za'ayi cikekken namiji kamar ka ya tsani mata har ya rink'a cewa shi baiga abin kallo ajikin mata ba,
wallahi gwara kaje kaga likita tun kan kayi aure azo aji kunya,
a d'an gak'ile Sir Moli yace " haka kake gani?
"Sosai ma kuwa, dan ni na dad'e ina maka kallan mara cikekkiyar lafiya,
dan Allah kaje kaga Doctor karkayi aure ka rink'a cutar 'yar mutane,
murmushi Sir Moli yayi batare dayace komai ba,
sai wasa sukeyi suna dariya,
Sir Moli na gaf da fita get ya ganta sai sauri take yi, iska na neman d'aukarta,
ido ya zuba mata tun daga nesa har suka zo zasu wuce,
Leem nata magana yaji shiru,
inda Aryan ke kallo yabi da kallo,
Sanah ya gani sai faman sauri take yi,
Leem yace " yanzu fa kace baka kallan mata,
kuma a yanzun ka tsare wata da ido kamar tsohon maye,
ko ita wannan ba mace bace,
namiji ne?
A tak'aice Sir Moli yace " wannan d'in har wata macece?
Kallan Sanah Leem yayi cike tsantsar mamaki,
yaga duk inda mace mai tak'ama da kyau da body takai Sanah ta wuce nan,
dariya Leem yayi yace " au wannan ba mace bace namiji ne,
yayi maganar cike da rainin hankali,
Sir Moli yace " ni a waje na babu wani banbanci tsakanin mace da namiji duk d'aya nake d'aukarsu,
dan ni ban jin wani emotions ko feelings,
itama haka nake kallanta kamar namiji,
kuma ina da yak'inin lafiya ta lau,
Leem yace " shiyasa nace ai baka da lafiya wallahi,
kaje kaga Doctor,
guntun murmushi Sir Moli yayi kawai batare dayace komai ba,
Leem yace " to yanzu dai ita wannan d'in wacece danaka ka k'ura mata ido kana ta kallanta?
Sir Moli yayi dariya kana yace " she's my student tun daga Jss1,
sosai Leem yayi mamaki kana yace " ikon Allah,
kuma harka iya gane ta,
abokina kodai ka kamu ne?
Moli ya kuma yin dariya yace " kamuwa kuma?
"Da wa d'in?
" Lalle duniya ta lalace tunda aka fara kiran su Sanah mata,
kuma wacce zan so, tab that's impossible,
" to ya akayi baka mantata ba?
Leem ya kuma tambayarshi,
" she's very stubborn,
bata da kunya, fitsararriya ce no 1,
gata tsaurin ido da taurin zuciya,
ko ka tab'a ganin an manta d'alibin marar jin magana?
Dariya Leem yayi yace " ta shiga cases d'inka kenan?
Moli yace " sosai
